З’езд падштурхнуў да дзеянняў пярвічкі

профсоюзыНядаўна прайшоў сход профсоюзнага актыву Лунінеччыны. Аб тым, якія пытанні на ім разглядаліся, гутарым са старшынёй раённага аб’яднання прафсаюзаў Ігарам ГАПОНАМ:

— Абмяркоўвалі вынікі работы VII з’езда ФПБ і ставілі заданы перад прафсаюзнымі арганізацыямі Лунінеччыны на бліжэйшы час. Удзельнікі сходу падтрымалі прапановы, палажэнні і вывады, якія ўтрымліваліся ў выступленні Прэзідэнта Беларусі Аляксандра Лукашэнкі і ў дакладзе старшыні федэрацыі Міхаіла Орды, а таксама Праграму дзейнасці ФПБ на 2015-2020 гады. Улічваючы, што мерапрыемства праходзіла ў Год моладзі, асаблівую ўвагу засяродзілі на маладзёжнай палітыцы і садзейнічанні развіццю турызму і санаторна-курортнага лячэння.

Згодна са статыстыкай, у складзе прафсаюзных арганізацый ФПБ знаходзіцца больш як чвэрць маладых людзей. Ад іх грамадзянскай пазіцыі, адданасці справе, энергіі і настойлівасці залежыць будучыня прафсаюзаў і краіны ў цэлым. Іх патэнцыял неабходна выкарыстоўваць больш рашуча праз садзейнічанне рабоце маладзёжных саветаў і камісій, уключаючы юнакоў і дзяўчат ва ўсе прафсаюзныя справы, каб яны былі не толькі членамі арганізацыі, але і з’яўляліся яе сапраўдным авангардам. А для гэтага пры заключэнні калектыўных дагавораў на прадпрыемствах і арганізацыях неабходна ў абавязковым парадку прадугледжваць меры па матэрыяльнай і сацыяльнай падтрымцы маладых работнікаў. Усе разумеюць, як цяжка юнакам і дзяўчатам, а таксама маладым сем’ям вырашаць свае матэрыяльныя і жыллёвыя праблемы. Таму вельмі актуальны прапановы прафсаюзаў аб прыняцці на дзяржаўным узроўні мер па вырашэнню жыллёвых праблем моладзі і маладых сямей, а таксама аднаўленне ранейшага парадку забеспячэння маладых работнікаў дапамогамі па часовай непрацаздольнасці, а таксама па цяжарнасці і родах. Для павышэння прыцягальнасці прафсаюзнага руху неабходна актыўней выкарыстоўваць сучасныя метады работы, дэманструючы рэальныя прыклады дасягненняў.

—    Памятаюцца часы, калі па ініцыятыве прафсаюзаў члены арганізацыі адпачывалі па санаторна-курортных пуцёўках, удзельнічалі ў цікавых экскурсіях…

—    Згодна з прынятымі на з’ездзе дакументамі, гэты напрамак дзейнасці будзе таксама развівацца. У нашай краіне вельмі шмат памятных мясцін, рэканструяваных аб’ектаў, па якіх не толькі можна, але і трэба вывучаць сваю гісторыю. Адноўлены сіламі членаў ФПБ мемарыяльны комплекс “Курган Славы” з’яўляецца яскравым прыкладам сапраўднай мужнасці старэйшага пакалення, якое адстаяла права на жыццё ў свабоднай і мірнай краіне. Падобныя яму аб’екты дапамогуць асэнсаваць і замежным турыстам маштабы выпрабаванняў, якія выпалі на долю беларусаў.

Сёлета спаўняецца 65 год першаму айчыннаму тураператару УП “Беларустурыст”, які з’яўляецца асацыіраванай арганізацыяй ФПБ і мае значны вопыт работы. Вельмі дарэчы тое, што дэлегаты з’езда згадзіліся з пазіцыяй ФПБ аб неабходнасці прыняцця дадатковых мер, накіраваных на даступнасць для членаў прафсаюзаў санаторна-курортнага лячэння ў санаторыях сістэмы УП “Белпрафсаюзкурорт”. Прадугледжана прымяненне 25-працэнтных скідак, вядзецца шырокае інфармаванне членаў прафсаюза аб паслугах такіх здраўніц, а таксама існуе магчымасць браніравання пуцёвак.

—    Якія задачы будзе вырашаць у бліжэйшы час раённае аб’яднанне прафсаюзаў і галіновыя прафарганізацыі?

—    Сумесна з органамі ўлады і наймальнікамі плануецца прыняць канкрэтныя меры па ўдасканаленню на ўсіх узроўнях сістэмы сацыяльнага партнёрства, актывізацыі дзейнасці раённага савета па працоўных і сацыяльным пытаннях, а таксама камісій па правядзенню калектыўных перагавораў у арганізацыях. Будзе адпрацавана сістэма непасрэднага ўдзелу прадстаўнікоў прафсаюза Лунінеччыны ў складзе прадстаўнічых органаў улады і калегіяльных органаў кіравання раёна, прадпрыемстваў і арганізацый.

—    З’ездам было даручана выпрацаваць асноўныя напрамкі прафсаюзнай дзейнасці для прыкладання сіл на бліжэйшы час. Якія яны?

—    Гэта абарона працоўных, сацыяльна-эканамічных правоў і законных інтарэсаў членаў прафсаюза. Актыўны ўдзел у падрыхтоўцы і правядзенні выбараў Прэзідэнта краіны на падставе кансалідацыі працоўных калектываў вакол праводзімага ў Беларусі курса на забеспячэнне міру, стабільнасці і парадку ў краіне. Стварэнне прафарганізацый на прыватных прадпрыемствах. Заключэнне калектыўных дагавораў у кожным працоўным калектыве. Удасканальванне калектыўна-дагаворнага рэгулявання важнейшых пытанняў сацыяльнай палітыкі. Сярод іх — аплата працы, сацыяльныя гарантыі, забеспячэнне занятасці, паляпшэнне ўмоў працы, абарона працоўных і сацыяльна-эканамічных інтарэсаў работнікаў. Павышэнне адказнасці бакоў сацыяльнага партнёрства за выкананне прынятых абавязацельстваў. Выкананне нормаў заканадаўства аб працы і ахове працы, калектыўных дагавораў і пагадненняў. Узмацненне работы па кантролю за своечасовай выплатай заробкаў і іншых выплат, адлічэнняў у Фонд сацыяльнай абароны насельніцтва ў арганізацыях усіх формаў уласнасці, адказнасці наймальнікаў і ўласнікаў за несвоечасовую выплату заробкаў. Стварэнне ўмоў для забеспячэння занятасці, асабліва сацыяльна-ўязвімых катэгорый (моладзі, інвалідаў, жанчын, якія маюць малых дзяцей), у тым ліку шляхам захавання ў арганізацыях мэтавых рабочых месцаў. Павышэнне ўзроўню матэрыяльнай падтрымкі малазабяспечаных членаў прафсаюза, а таксама работнікаў, якія трапляюць пад скарачэнне, ветэранаў вайны і працы, былых работнікаў арганізацый праз калектыўныя дагаворы і дамоўленасці. Дасягненне эфектыўнасці работы па своечасоваму інфармаванню членаў прафсаюза аб прынятых рашэннях і праводзімай рабоце ФПБ і галіновых прафорганаў. Выкананне асноўнай мэтавай задачы Праграмы дзейнасці ФПБ на 2015-2020 гады аб працягненні выбранага прафсаюзамі курса на годную працу, жыццё і сацыяльную справядлівасць, вы-сокаэфектыўную эканоміку.

Гутарыла Галіна КУЧЭЙКА

Дадаць каментарый

Войти с помощью: 

Этот сайт использует Akismet для борьбы со спамом. Узнайте как обрабатываются ваши данные комментариев.