Як пад ёлкамі падарункі растуць

До новага году застаецца ўсё менш часу. Большасць лунінчан упрыгожыла свае дамы і кватэры нязменнымі навагоднімі атрыбутамі — ёлачкамі. Хтосьці выбірае штучныя прыгажуні, іншыя аддаюць перавагу лясным дрэўцам. Пакуль яны растуць на плантацыях, выглядаюць звычайна, а вось як толькі трапляюць у дом — набываюць містычныя якасці. Раніцай першага студзеня пад вечназялёнай прыгажуняй можна знайсці самыя незвычайныя падарункі.

Начальнік лесагадавальніка Віктар ПОМАЗАЎ — адзін з тых, хто рыхтуе елкі да казачных пераўтварэнняў:

елки 03

— Дрэўцы, што растуць пад полагам лесу, не такія густыя — ім не хапае прасторы і свету. Іншая справа — спецыяльна пасаджаныя. Усе дрэвы тут першапачаткова знаходзяцца ў спецыяльных умовах. На асобнай дзялянцы яны растуць на пэўнай адлегласці, падкормліваюцца і кожны год праходзяць строгі “кастынг на прыгажосць”. Спачатку растуць разам, у пасяўным аддзяленні, пасля “выдатніц” пераводзім у “школку”, рассаджваем, каб падужэлі. I праз год-другі аддаем у лясніцтвы раёна.

елки 02

Па словах памочніка ляснічага Лунінскага лясніцтва Уладзіміра ІЛЬЮЧЫКА, на спецыяльных навагодніх плантацыях дрэўцы растуць яшчэ не менш як два гады. Атрымліваецца, пакуль елка трапіць у хату, ёй будзе ўжо 6-8 год.

Попытам у насельніцтва карыстаюцца 1-2-метровыя елачкі і сосны, хвойныя лапкі. Дзіцячыя сады і школы заказваюць 4-метровыя. Дрэвы такой вышыні леснікі, сярод якіх і Міхаіл ЛАБКО з Луніна, шукаюць у лесе.

елки 01

З 21 снежня сваю работу пачаў навагодні ёлачны кірмаш. У Лунінцы ён ра-гарнуўся на пляцоўцы каля лядовай арэны. Зразумела, асаблівы наплыў, як і ў папярэднія гады, будзе назірацца тут за дзень-два да свята, аднак многія прыхільнікі зялёных дрэўцаў не адкладваюць пакупкі на апошні дзень. Як адзначыў майстар лесу Дзятлавіцкага лясніцтва Эдуард ЧАРНАВОКІ, запыты лунінчан абавязкова будуць задаволены.

елки 04

Дарэчы, для гэтага ў лясгасе распрацавалі спецыяльны графік, згодна з якім ажыццяўляецца нарыхтоўка святочных дрэўцаў і іх продаж. Акрамя таго, любы жадаючы можа прыехаць у лясніцтва і выбраць елачку там.

Апошнім часам лунінчане схіляюцца да набыцця «штучных» дрэўцаў. Аднак, намеснік дырэктара лясгаса па ідэалагічнай рабоце Алена Мёрзлая раіць набываць менавіта «жывую» ёлку:

— Традыцыйна ў нашых дамах перад Новым годам і Калядамі стаялі прыгажуні з лесу. Для дарослых тэта, можа, і не так цікава, але для дзяцей жывое дрэва ў кватэры — сапраўдны цуд. Дарэчы, прысутнасць жывой ёлкі (і гэта даказана) станоўча ўплывае і на выхаванне дзіцяці ў сям’і.

I не трэба шкадаваць аб высечаным дрэве. Алена Уладзіміраўна патлумачыла, што ёлка, якая паступае ў продаж пад Новы год, вырошчваецца на спецыяльных плантацыях. Лясныя ж плошчы ўвогуле не пацерпяц. У агульным аб’ёме ўгоддзяў дрэвы, якія пойдуць на патрэбы навагодняга свята, складаюць мізэрную долю.

Чаго катэгарычна рабіць нельга, дык тэта самавольна высякаць дрэвы. Тым больш і сэнсу няма ў гэтым, зараз зялёную чараўніцу можна выбраць на любы густ і любую таўшчыню кашалька. За парушэнне прадугледжваецца штраф у памеры ад 5 да 50 базавых велічынь, на індывідуальнага прадпрымальніка — ад 20 да 200 базавых велічынь, на юрыдычную асобу — ад 50 да 300 базавых велічынь. У лясах выстаўлены пасты і рэгулярна праводзяцца рэйды па выяўленню парушальнікаў. Для больш эфектыўнай работы гэтыя мерапрыемствы ажыццяўляюцца сумесна з Дзяржаўнай інспекцыяй па ахове жывёльнага і расліннага свету пры Прэзідэнце Рэспублікі Беларусь і супрацоўнікамі Дзяржаўтаінспекцыі. Спецыяльным пастам на аўтамабільных дарогах дадзена права спыняць машыны і цікавіцца, ці няма там незаконна ссечанага дрэва. Таму і ў лясніцтвах, і на кірмашах вам павінны выдаць квіток аб аплаце.

Калі вы яшчэ не набылі новогоднюю прыгажуньку, паспяшайцеся на ёлачны кірмаш, які працуе ў Лунінцы сёння і заўтра 9.00 да 17.00, а 31 снежня — да 16.00. У Мікашэвічах елкі рэалізуюць у лясніцтве (а 30.12. з 10.00 да 13.00 — у раёне «Акварыума») па цэнах кірмашу, паколькі прывозяць з іншых населеных пунктаў.

Падарыце радасць сабе і тым, хто побач!

Дадаць каментарый

Войти с помощью: