«Я — грамадзянін Рэспублікі Беларусь»

У Дзень Канстытуцыі 14-гадовым юнакам і дзяўчатам ва ўрачыстай абстаноўцы ўручылі пашпарты. У Лунінцы цырымонія прайшла ўчора ў Цэнтры дзіцячай творчасці.

Сярод тых, для каго Дзень Канстытуцыі стаў адметнай падзеяй у жыцці, — гімназісты Аляксей Ігнаткевіч і Павел Балюк, а таксама 9-класніца Бастынскай СШ Ілона Молчан.

вручение паспортов 2016

Атрымаць галоўны дакумент грамадзяніна краіны з рук ганаровых гасцей вельмі прыемна і адказна. Гэтага ўдастоены 31 чалавек – тыя, хто паспеў сябе праявіць у розных сферах. Сярод іх – выдатнікі вучобы, удзельнікі навукова-практычных канферэнцый, пераможцы і прызёры спаборніцтваў, конкурсаў, фестываляў, прадметных алімпіяд.

Разам з пашпартамі юныя лунінчане сталі ўладальнікамі падарункавых набораў “Я – грамадзянін Рэспублікі Беларусь”, якія ўручыў намеснік старшыні райвыканкама Анатоль Захаркевіч. Віншаванні і наказы гучалі з вуснаў в.а. першага сакратара райкама БРСМ Ігара Гаргуна, старшыні раённай арганізацыі ГА “Белая Русь” Людмілы Казадаевай.

Ад імя вучняў слова ў адказ трымала гімназістка Аляксандра Елізава (на здымку).

вручение паспортов 2016 2

Свае музычныя прывітанні ўсім прысутным дарылі ўдзельнікі ўзорнага вакальнага ансамбля “Залатое птушаня”, узорнага клуба бальнага танца “Мірыданс”, а таксама вакалісты ЦДТ Карына Брыгадзір, Злата Богдан і Ангеліна Карульская.

Дадаць каментарый

Войти с помощью: 

Этот сайт использует Akismet для борьбы со спамом. Узнайте как обрабатываются ваши данные комментариев.